Zaɓen 2023: Muna Goyon Bayan Atiku, Amma Ba Za Mu Bar APC Ba - Babachir.

Daga Comrd Yusha'u Garba Shanga

Wani jigo a jam’iyyar All Progressives Congress, kuma tsohon sakataren gwamnatin tarayya, Babachir Lawal, ya bayyana cewa ƙungiyar Kiristocin Arewa za ta marawa ɗan takarar jam’iyyar adawa Atiku Abubakar baya a zaɓen 2023 mai zuwa.

"PDP  sun tattauna da mu kuma sun amince da yin abin da muke so idan muka goyi bayansu kuma mun amince da goyon bayansu," in ji Mista Lawal a wata hira.

Lawal haifaffen ɗan jihar  Adamawa, wanda fitaccen Fasto ne, ya yi kaca-kaca da ɗan takarar shugaban ƙasa na jam’iyyar APC, Bola Ahmed Tinubu, a kan matakin da ya ɗauka na tsayar da abokin takarar Musulmi Kashim Shettima, tikitin da bai dace da addini ba, wanda ya harzuka Kiristoci da dama, musamman a yankin Arewa. na kasar.

Mista Lawal da sauran jiga-jigan Kiristocin Arewa a jam’iyyar APC, irin su tsohon kakakin majalisar wakilai, Yakubu Dogara, sun bayyana matakin a matsayin wani shiri ne na murkushe Kiristocin Arewa har abada.

Mista Lawal ya yi ikirarin a wata hira da ya shaidawa  BBC  cewa shi da wasu 'yan jam'iyyar sun goyi bayan ɗan takarar shugaban ƙasa na jam'iyyar APC a zaɓen fidda gwani daya gabata, saboda rashin  sanin cewa yana da wata ɓoyayyar manufa ta bazai  tsayarda  da musulmi a matsayin mataimakinsa ba.

“Ni bana Bola Tinubu bane a yanzu. Ba ni da tikitin tikitin Musulmi-Musulmi,” in ji shi.

"Bola ne bai so ya tafi tare da mu ba, ya zaɓi inda yake so, kuma mun ce masa ba za mu zaɓe shi ba idan ya yi tikitin musulmi da musulmi."

Mista Lawal yasha alwashin cewa jam’iyyar APC za ta sha kaye a zaɓen shugaban ƙasa a hannun jam’iyyar PDP saboda jam’iyyar ta zaɓi tsayawa takara a kan tikitin  na musulmi da musulmi, kuma Kiristocin Arewa ba za su goyi bayan hakan ba.

Jigon na APC ya ce shi da sauran ‘ya’yan jam’iyyar da suka fusata a shirye suke su marawa jam’iyyar adawa ta PDP goyon baya saboda ta na gudanar da tikitin tsayawa takara na Musulmi da Kirista, kuma a shirye take ta saurare su domin rage musu raɗaɗi.

Ya kuma bayyana yadda ake mayar da addini saniyar ware a kan al’ummar Kirista a yankin Arewacin Najeriya.

“Kun ga matsalar ’yan Arewa, idan ka ce kai Kirista ne, da wuya mu samu aiki.

“Ka ga a cikin jami’o’i 27 da ke Arewa, Kirista VC guda biyu ne kacal, sannan a cikin 27 polytechnics akwai shugabannin Kirista biyu kawai, na tarayya ne, amma ba maganar mallakar gwamnati ba.”

Da yake tambayar ko ya tuntuɓi dan takarar shugaban ƙasa na jam’iyyar APC kan dalilinsa, jigon jam’iyyar ya ce, “A’a, shi ne zai neme mu a yanzu, ba zan neme shi ba. Muna da wurin zuwa da wurin zama. Amma bai neme mu ba.

"Idan ya ga cewa zai ci zaɓe, to zamu ga yadda zai ci zaɓen."

Sai dai Mista Lawal ya ci gaba da cewa zai ci gaba da kasancewa a jam’iyyar APC ko da an zage shi sai dai idan shugabansa Muhammadu Buhari ya fice daga jam’iyyar.