Hukumar leƙen asiri ta Najeriya NFIU, ta sanya ranar da za ta aiwatar da dokar hana fitar da kuɗaɗe daga dukkan asusun gwamnatin tarayya, jihohi da ƙananan hukumomi.
Da yake magana a wani taron manema labarai ranar Alhamis a Abuja, Darakta Janar na NFIU, Modibo Tukur, ya ce dokar hana fitar da kuɗaɗe za ta fara aiki ne daga ranar 1 ga Maris, 2023.
Tukur ya bayyana cewa, duk wani jami’in gwamnati da ke yin mu’amalar kuɗaɗe daga asusun gwamnati daga watan Maris, sashin zai binciki hukumar tare da haɗin gwiwar hukumar yaƙi da masu yi wa tattalin arzikin ƙasa zagon ƙasa (EFCC), da hukumar yaƙi da cin hanci da rashawa (ICPC), da kuma hukumar ‘yan sandan Najeriya NPF. ).
Ya ce za a yi amfani da dokokin halasta kuɗaɗen kasar nan da sauran dokokin da suka shafi almubazzaranci a kan jami’an gwamnati masu kuskure, inda ya ƙara da cewa umarnin Babban Bankin Najeriya (CBN) na tafiya babu kuɗi zai taimaka wajen daƙile cin hanci da rashawa a ma’aikatun gwamnati.
Tukur, saboda haka, ya ce an umurci dukkanin cibiyoyin haɗa-haɗar kuɗi da su dakatar da fitar da kuɗaɗe daga asusun gwamnati daga ranar da aka bayar, yana mai jaddada cewa za a gurfanar da waɗanda suka aikata laifin tare da masu hannu a ciki.
Ya ce: “Yawan fitar da kuɗaɗen da aka yi sama da matakin daga asusun gwamnati na da matukar tayar da hankali, an cire sama da Naira biliyan 701 a tsabar kuɗi daga shekarar 2015 zuwa yau.
RAHOTO DAGA:- Comrade Yusha'u Garba Shanga.